【我喜歡的你會唔會同時也喜歡著我?三個舉動看出他對你有冇心!】 | What men think | 細細粒

有冇心BANNER.jpg

「其實你對我點既呢?」每個人都有暗戀既經歷,因為唔知對方既心意,成日患得患失,時而開心時而低落,搞到自己好似精神分裂咁。真愛難求,現代既女仔,有愛唔好再等待,主動出擊,想知佢對你有冇心,三個舉動測試佢既心意,機會係留比有準備既人!

1. 他對你的重視度
佢對於你會唔會特別在意?測試一:喜歡一個人,當然希望無時無刻都見到佢。一班人出去時,睇下佢會唔會時不時望向你,確定你既存在!如果佢既視線一直落在你身上,甚至主動走向你,表示佢同你在一起會令佢有安全感,喜歡和你在一起的感覺!呢個時候,就要把握機會啦!測試二:喜歡一個人,會好重視對方既感覺。當你唔開心時,佢會唔會擔心你既狀況;當你委屈時,佢會唔會為不抱打不平;當你需要人陪伴的時刻,佢係咪都會願意無論咩時候咩地點都出黎搵你?其實愛情就只那差一步,你願意先踏出那一步,把握愛情嗎?

2. 他會主動約妳嗎?
佢會唔會主動約你?同上,當你喜歡一個人時,會想成日諗住對方,想見到對方!如果係約成班朋友一齊出去,證明佢個心裡有你!如果係單獨約會,證明佢想和你有單獨相處既機會,希望籍此可以有多啲互動,多啲了解對方。其實你都可以籍此了解對方多啲,睇下對方係咪適合自己。如果持續有約,表示佢真係喜歡同你在一齊,尤其係單獨約會,愛生戀情既機會好大!

3.他對別人既態度,同對妳一樣嗎?
有啲人是大眾情人,對個個女仔既態度都一樣,都約,唔係佢地生性多情,而係因為佢地真係好鍾意交朋友,而且都用真心真意的去交,其實佢對男仔朋友都係咁,對個個都係咁!所以千奇唔好表錯情啊!或者可以觀察佢對其他女仔,同佢對你既態度有冇唔一樣!雖然唔知點解唔一樣,但係佢心目中,你一定係有別於人的!細心觀察佢既反應,如果你們之間有愛,一定能看出端倪。

姊妹們,愛了就勇敢去追隨吧!就算不知道對方的心意,也用你的真心對對方好,我相信心意一定能傳送到對方的心,打動他的心。成功了,恭喜你守得雲開,要好好珍惜每一段感情!失敗了也沒關係,這表示你離真愛又靠近了一步,錯誤的選擇就讓他過去,去尋找你的真命天子吧!

我要留言