【佢地撒嬌係一種肯定同信任。最鍾意同情人撒嬌嘅4個星座男!】 | Horoscopes | 細細粒

2.jpg

撒嬌唔係淨係女仔嘅專利,好似韓國啲OPPA咁,有時撒吓嬌,加個小狗無辜嘅眼神,即刻冧曬!平時就大大男人,但遇著你就放低曬啲尊嚴,對你撒嬌賣萌,証明佢係幾咁愛你,對你冇介心,討摸摸討愛嘅樣,真係好得意架!


第四名:雙子男
雙子男出巴口甜過蜜糖,對住隔籬賣菜個阿姐都可以傾一餐,阿姐比佢氹到笑到眼牙唔見眼!佢啲甜言蜜語真係令人難以招架,同佢拍拖會俾到你滿滿嘅浪漫,平時就好MAN好大男人,私底下就好鍾意同你撒嬌,鍾意捏捏你塊面、偷偷摸下妳逗著妳玩,見到你炆就好有成就感,然後又會稱返你「老婆你好靚」、「你是最好的你知道嗎?」。跟本係個大細路,係個頑皮嘅細路仔,真係比佢激到又嬲又笑。但其實佢都係想吸引你注意,激嬲你又氹返你,令人又愛又恨啊!


第三名:牡羊男
牡羊男既嘅佔有欲比較強,佢想時時刻刻都可以痴住妳、對妳撒嬌,只要妳係佢視線範圍內,佢就會覺得非常幸福!佢地鍾意對情人撒嬌、耍賴,係希望情人都對佢多撒嬌、依賴佢,咁樣先可以展現佢大男人的風範架嘛!佢地就好似三歲既小朋友咁,死要面,但又想無時無刻都想得到你嘅專注你嘅愛。佢只係想一直係你身邊,「不要離我太遠,調頭望一眼就見」,惹人生憐啊!


第二名:雙魚男
雙魚男嘅撒嬌有啲「傲嬌」既性質,當佢向你撒嬌,通常係做錯事或者有求於你嘅時候!「我知錯啦!你唔好嬲啦!」、「我真係好想要啊!好啦~好啦~」加埋楚楚可憐嘅眼神望向妳,心都軟曬,又點再忍心拒絕佢嘅要求呢?投降吧!這就是雙魚男嘅大絕招!


第一名:射手男
射手男對於撒嬌特別嘅有一套,佢好識點樣氹女仔。係你面前成日扮傻扮可愛,一副傻傻笨笨嘅樣,有時候明知道佢係明知故問,「係咩?」抓一抓頭,可愛的笑一笑,陽光加傻氣,其實佢係為你裝傻,喜歡見你認真嘅樣,為佢著想嘅樣。有時鍾意小小整蠱下你,開下小玩笑,逗弄妳,令妳又嬲又好笑,佢喜鍾意兩人係一齊時像朋友又像情人,永遠開開心心。試問女仔們又點會唔心動呢?


(星座文章僅供參考)

我要留言