【男人呷醋分分鐘仲大獲過女仔!男人呷醋時的三種反應!】 | What men think | 細細粒

吃醋.jpg

當你愛一個人嘅時侯,當然希望佢只屬於你一個,希望佢可以事事以你為先,佢既愛分一啲比家人,分一啲比朋友,分一啲比同事,分一啲比阿貓阿狗,咁我呢?」諗下諗下,就會深深不憤。其實男仔同女仔都一樣,佢地都會希望你專心一致愛佢,佢地都會呷醋架!有啲男生呷醋,係對自己冇信心,也有啲男生呷醋係一種霸道嘅表現,而如果他已經在呻醋,而你仲懵然不知,咁就好易出事架啦!男仔一呷醋,佢地天生愛面子,明明介意,但係就會粒聲唔出,降溫至冰點是冷暴力啊!畢竟呷醋已經好冇威嚴好傷自尊心架啦!其實將心比己,佢地都係希望可以在乎自己多啲!女仔需要人氹,男仔都係一樣!只要你細心啲,好多時都係有跡可尋的!

1.對你愛理不理
你見佢好似唔開心,關心問佢什麼事,但佢就好冷淡好灰咁話冇事。擰埋一面唔想同你講野咁,當下真係好無辜,好受傷。但男人係比較唔識直接表達自己既惑受,有咩事都會收收埋埋,比女人仲識掩飾情緒,明明介意,又會死要面,扮大方!自己諗一諗,事出必有因,你最近有冇做咗啲咩佢唔鍾意既事?同異性行得太埋?亂洗錢?冇關心佢?講野語氣差?陪佢少咗?溝通好重要,但先體諒佢哋,以佢哋嘅角度諗,其實佢哋都係因為愛你先會呷醋。

2.時不時問你關於妳同其他男性朋友嘅事
成日有意冇意問你關於你身邊異性既事,好似想發掘啲咩咁。又會有意冇意咁將自己同你嘅異性朋友比較,有時仲會講你異性朋友嘅壞話。嘴巴話唔介意,問下之嘛,好奇姐,好多藉口。其實個心都已經酸檸檬咁,將自己同人比較。其實你都感覺到佢既唔妥,變得特別敏感。雖然某程度係佢諗多咗,但其實佢都唔好受架!將心比己,其實只要氹下佢,比返啲自信佢,撒下嬌,佢就會被你收服得貼貼服服!

3.故意做和妳一樣的事
雖然咁做好傻,你做左令佢呷醋既事,佢講唔出口,諗住做你一樣既事,希望籍此令你明白當你做呢啲事時佢當時既心情。雖然有時有用,但有時不一定,反而會令誤會更深!所以如果佢講唔出,而你感覺到不妥時,就要想辦法溝通才是不二之選。你了解佢既脾性,先了解,再溝通,再協議。好好對呢段感情多用心、耐心和細心,咁先可以解決問題,長長久久一起走下去!

圖片來源: Pinterset

我要留言