【我加上你,一輩子說著「我們」,就是比「我愛你」更加甜蜜的話】 | Love tips | 小月巴

75456

愛情就係將「你」同「我」變成「我們」,以兩個人為出發點去思考、行動。如果話「我」係一個自私既字,咁「我們」就係學習為另一個人去打算既第一步。

由單方面的表白「我喜歡你」,另一個人回報一樣既感情,從嗰一刻開始,一切都用「我們」來表達。「我們」包含了兩個人既共同決定,懷抱著共同既願望。學習磨平自己的尖刺,直到成為最適合彼此的形狀。

有時候口講「我們」,心入面卻係考慮自己,希望對方可以跟隨自己設想既路線去走,或者純粹想對方變得更好,所以唔小心用「我們」去包裝住自私既願望。「我唔係想逼你,只係為左我地既幸福」、「你咁樣做有無考慮過我地既將來」,當熱戀期過後,兩個人開始考慮現實同未來既時候,呢啲說話就越來越常出現,亦係衝突既開始。

走到一個地步,發現兩個人對「我們」既定義好唔同,於是只能變回「我」、「你」兩個再不相關既個體;但爭執磨合既過程,如果學識發掘對方既優點,尊重對方既想法,即使意見不合都願意相信佢同你一樣為共同既幸福而努力,只係方式唔一樣,無分對錯,將脾氣收起先可以摸索出對你地更好既前路。

要幾多既幸運加上努力,先遇上那麼一個人,同你講一生一世既「我們」。「我愛你」只係年輕時候既甜言蜜語,兩個人可以挽手到左七老八十,簡單「我們」兩個字已經足夠表達幸福同愛意。

我要留言