【言承旭:很開心聯繫上了!兜了一圈仍然愛你,復合找回幸福的四對名人情侶】 | Love tips | 小月巴

18519947_5250543112

台灣名模林志玲同言承旭復合新聞一出,粉絲同網民反應超級熱烈,瘋狂分享同留言終於等到佢地係返埋一齊。好多人鍾意將明星情侶當成金童玉女,如果等到佢地結婚,就有種感覺自己有份見證同守護佢地既愛情;但萬一分手就會令好多人心碎,甚至話唔再相信愛情。林志玲、言承旭當年一直無公開相戀,直至分手後先各自默認曾經既戀情。兩個人都認為對方係「好重要既人」,又無否認復合既可能。終於等到佢地親自承認係返埋一齊,令大家又再次相信愛情。

但就正如鄧麗欣(Stephy)曾經講過:「我的世界從來不存在童話,只有愛」,一段關係曝光係鎂光燈之下壓力好大,背負好多人對愛情既幻想,要走下去一點都唔容易。Stephy同方力申或者緣盡,林志玲同言承旭就再續前緣,娛樂圈中亦有好多可以緣份再續既例子,即使經歷分分合合,只因為「愛」令佢地可以再次挽起彼此既手臂。

1. 謝霆鋒、王菲
由2000年公開關係到2002宣佈分手,戀情只維持左三年,當年謝霆鋒20出頭,年少氣盛,圍繞佢既全部都係負面新聞,而王菲已經係有相當歷練既天后級歌手,愛情無法開花結果,卻一直無離開過佢地。

20160219002511

十幾年後,當兩人各自結婚生子又離婚,終於係2014年復合。直至今日,依然有好多分手傳聞,又不斷將謝霆鋒張柏芝既事「擺上檯」挑撥佢地既關係,但經過咁多年,兩個人都有成長,既然決定再次牽手,就唔會再輕易被流言蜚語影響。

f595a29e6c72be4479ef5aef6d2fcd66-600x400


2. 鄭秀文、許志安
1991年,鄭秀文、許志安借《其實你心裡有沒有我》一曲,承認兩個人既戀情。一向形象前衛叛逆既鄭秀文深陷愛情亦如同一個小女人,演唱會停電,一個人係舞台上孤立無援既時候第一時間就係向男朋友求救,而許志安亦即時衝上台安撫對方。2001年兩人同時奪得最佳男女歌手獎,許志安更講出經典既愛的「廚房宣言」。

640_fadcaf17894ed8257b632cfecfa96b8d

當所有人都等緊佢地宣佈婚事,等到既卻係分手既消息。後來一個愛上助理,一個被抑鬱困擾多年,看似再無交集,但復合傳言不斷,令人霧裡看花既關係終於有左定案,復合然後幸福地步入禮堂。佢地兩個既愛情,或者就好似歌詞咁講,就算一早認定「唯獨你一個是不可給取替」,都要「等你情願那天,才去承諾你,無止境那份愛」。

擷取


3. 莫文蔚、Johannes
初戀永遠係最美好,因為遺憾。莫文蔚同初戀男友係意大利求學既時候認識,因為擔心對方會移悄別戀,於是自己先提分手,Puppy Love只維持左兩年。後來莫文蔚認識左馮德倫,亦同對方有過幸福美好既關係,甚至到左談婚論嫁既地步,愛情童話卻又係分開收場。

d1019624

關係再長都無辦法保證有美滿既結局,莫文蔚、馮德倫九年情有緣無份,但重遇曾經既初戀卻可以重燃愛火。即使男方曾經離婚,有幾個子女,係愛情面前,一切問題都無關重要。兩人揀返係初戀之地佛羅倫斯既教堂舉行婚禮,彷彿返到20幾年前既斷點重新開始,就好似莫文蔚係微博分享既今昔對比相片,時光改變,人物不變。結婚6年,莫文蔚憑歌寄意,對老公唱出「I Do」。

擷取2


圖片來源:FB、微博、YouTube

我要留言