【快樂是追求的結果?沿途更多值得開心的事】 | Relief | 小月巴

242342

快樂,係人生最大既追求。細個既時候,功課簿上一個卡通印,屋企人獎勵既一杯雪糕就夠你開心一日;長大之後,要令自己開心,好困難。其實快樂唔使刻意追求,生活隨時有小事令你開心。

十個朋友祝你生日快樂,於是下年要至少十句祝福先支撐得起「快樂」,少一句祝福你覺得失望,生日亦因此不快樂。有一個朋友唔記得你生日,你都仲有九個重視你既好友,仍然可以好開心,但人只會記得失去既少數,只記得傷心既事,所以既開心、興奮、快樂,完全被掩蓋。

我地誇大左開心,反而失去左真正既開心。為左一個目標,可以不惜一切,只為享受達成目標既一刻快樂。你希望同另一半生活過得好,每日加班努力賺錢,卻忽略左同伴侶同檯食飯既滿足,亦睇唔到對方眼中不斷累積既失望,連健康都犧牲了;甜蜜既愛情陷阱令人盲目,於是你為左得到佢既笑容而委屈自己、同關心你屋企人翻面,無時間見朋友而疏遠,失去更多開心既機會。

無人會阻止你追求屬於自己既快樂,但有時一刻快感既代價係十倍既痛苦。值得追求既快樂,痛苦可以突顯快樂既甜美;但如果追求錯誤既快樂,最後你只會發現你捱過左千噸既不快樂,卻只換得一安士既快樂。

想要快樂,就更應放低「想要快樂」既念頭,留意身邊既小驚喜,反而會更開心。開心唔會因為你降低要求而減少,反而因為難道降低了而更容易獲得。

我要留言