【愛,唔一定要等對方開口!女人要親手抓緊幸福】 | 小月巴

8947654

華人社會的女性總係比較被動,就算幾鍾意一個人,都一定要男方先開口講「我鍾意你,可唔可以做我女朋友」,覺得男人先開口會更珍惜自己。有時等下等下,時機就過左了,其實愛一個人邊有咁多道理架,「鍾意就講出來!」

香港女人強勢,愛要愛得自我。check男友手機、唔開心就發脾氣,拍緊拖明明無所顧慮,就算被鬧「惡女友」都不以為然,但拍拖前卻仍然被固有想法束縛,唔敢開口。

傳統既思想,女人要矜持;而家既人認為,先愛上既就輸了,會被對方食住。如果矜持的女人幸福,你願唔願意返去盲婚啞嫁既時代?如果男人先告白就會愛你一世,就唔會有咁多出軌、偷食、包二奶既渣男。

岩既,咪追囉,諗得多就太遲啦!

愛情需要兩個人去經營,先愛上既一方,唔代表會愛到最後一刻;被寵愛既一方,都會回報一樣的深情。係你猶豫緊要唔要進一步既時候,對方都可能怕自己會錯意而唔敢開口,只要你認為對方係值得愛既人,就值得你去捉緊緣份,先開口將佢私有化,時機唔會因為你怕就唔流走。

pixta_15862538_L

愛會令一個人勇敢。所以為左證明你既愛,就大膽約對方出來,望住對方真誠的告白。

而家草食男何其多,女人做主動都無咩大不了。雖然男人唔肯開口始終被人唔負責任既感覺,但女人面對愛情都唔一定盲目。拍拖既時候保持清醒,心水清的你一定可以睇得出對方既真性情,睇得出佢對你同樣認真,定係玩玩下。如果佢愛你同你愛佢一樣多,恭喜你既主動親手收獲到幸福。

但如果唔好彩,對方真係一個習慣事事等待,無主見唔夠成熟的人,亦唔需要氣餒。既然佢對你唔認真,你亦無需要為愛而愛,即管放生佢。你付出的唔會白費,今次失敗既經驗會成為養份,下一次你就知道咩人先值得你去爭取。

pixta_359954_XL

「女追男,隔層紗」其實都唔係好岩。女人先開口都唔保證一定成功。但告白失敗亦無咩大不了,起碼你嚐試過。你以為對方有意思,一直等落去,係俾緊假希望自己,無止境咁等落去,一點好處都無。搞清楚對方既心唔係你身上,你亦唔需要再為佢而花費自己既時間。

自由戀愛,已經唔係一樣要爭取既事,common sense既事連講出口都嫌老土。既然如此,就唔應該再被無謂的歪理束縛。要真正愛得自由,靠自己捉實既先叫幸福。

pixta_26486212_XL

我要留言