【「點解男朋友成日激我?」自信的女人不需要玻璃心】 | Love tips | 小月巴

765847

男朋友放假揀陪朋友出街無陪你,IG up左張幾個朋友食飯的相,上面寫「好耐無試過玩到咁high!」,你全日都悶悶不樂但佢竟然玩得開心,呢一刻你好嬲。

同男朋友行街買衫,揀一件問佢意見,佢話你有件一樣的,另一件佢又話唔好睇。你覺得佢好唔了解你,於是你又嬲了。

以上情況係「十萬個激嬲女朋友的理由」見唔少,每日都有不同激嬲女友的理由,睇每個post的留言數,都知大家非常有共鳴。眾多理由當中當然有男人的錯,亦有好多都係女人的玻璃心。女人,到底點解會咁敏感?

明明同好姊妹都會互相吐嘈,但從來唔會嬲對方,但對象變成男朋友,標準卻特別嚴苛。

嬲男朋友影射自己肥,係因為怕被嫌棄;男朋友無自己陪都過得開心,係怕對方唔重視自己;男朋友嬲緊自己,好驚氹唔返佢;鬧對方同其他女性太親密,其實係怕男朋友覺得其他女人更好。每一次的緊張擔心,都只能用生氣表現出來,因為唔想係對方面前示弱,所以用「惡」包裝自己。

女人唔係將自己當女王,任意踐踏男朋友;反而係太在乎男朋友的想法,令自己無曬自信,不自覺射出的利箭,會將對方越推越遠。

香港女人強勢,但千祈唔好忽視內心一樣有軟弱的地方,任由那個陰暗的情緒控制你,除左令自己自信低落,更加會傷害愛你的人。

相信男朋友愛你,包括你一切的缺點優點。要肥就兩個一齊幸福肥,被整蠱就玩返佢轉頭,男朋友抱怨你睇韓劇,你就陪返佢睇波。好脾氣唔係示弱,而係因為怒氣傷身。

唔夠愛自己的人,會睇唔到別人對你的愛,對自己、對男朋友要更有信心。

我要留言